பெரம்பலூர் மாவட்டத்தில் வாக்காளர் பட்டியல் சிறப்பு சுருக்க திருத்த முகாம் ; கலெக்டர் ஆய்வு!

Electoral Roll Special Summary Revision Camp in Perambalur District; Collector review!

பெரம்பலூர் மாவட்டத்தில் 01.01.2024 என்ற நாளை தகுதி நாளாகக் கொண்டு 09.12.2023 வரை வாக்காளர் பட்டியல் சிறப்பு சுருக்க திருத்தப் பணிகள் நடைபெற்று வருகிறது. இன்றும் 25.11.2023 (சனிக்கிழமை) மற்றும் நாளையும் 26.11.2023 (ஞாயிற்றுக் கிழமை) அனைத்து வாக்குச் சாவடிகளிலும் இரண்டாம் கட்ட சிறப்பு முகாம்கள் நடக்கிறது.

வேப்பந்தட்டை வட்டம் எறையூர் சர்க்கரை ஆலை நேரு தொடக்கப்பள்ளி மற்றும் மங்களமேடு டி.இ.எல்.சி பள்ளிகளில் நடைபெற்ற வாக்காளர்பட்டியல் சிறப்பு சுருக்கத்திருத்த முகாமினை கலெக்டர் நேரில் பார்வையிட்டு ஆய்வு செய்தார்.

இன்று மாவட்டம் முழுவதும் நடைபெற்ற முகாமில் வாக்காளர் பட்டியலில் பெயர் சேர்க்க 1,554 விண்ணப்பங்களும், பெயர் நீக்க 89 விண்ணப்பங்களும், வாக்காளர் பட்டியலில் பெயர் திருத்தம், முகவரி மாற்றம் செய்ய 863 விண்ணப்பங்களும் வழங்கபப்ட்டுள்ளது.

மொத்தம் இதுவரை நடைபெற்ற சிறப்பு சுருக்கத்திருத்த முகாம்களில் வாக்காளர் பட்டியலில் பெயர் சேர்க்க (படிவம் 6) 7,158 விண்ணப்பங்களும், பெயர் நீக்க (படிவம் 7) 588 விண்ணப்பங்களும், வாக்காளர்பட்டியலில் பெயர் திருத்தம், முகவரி மாற்றம் செய்ய (படிவம் 8) 5,247 விண்ணப்பங்களும் என 123,993 விண்ணப்பங்கள் வரப்பெற்றுள்ளது குறிப்பிடத்தக்கது.

வேப்பந்தட்டை தாசில்தார் மாயகிருஷ்ணன் உள்பட பலர் உடனிருந்தனர்.