ஏப்.8.-ல், உணவுப்பொருள் வழங்கல் சம்பந்தமான பொதுமக்கள் குறைதீர்க்கும் முகாம்

Apr 8 at the redressal camp food supply-related for public

பொது விநியோகத் திட்டம் சார்ந்த குறைபாடுகளை களைவதற்கும், குடும்ப அட்டைகளில் பெயர் சேர்த்தல், நீக்கல், பிழை திருத்தம் செய்தல் போன்ற கோரிக்கைகளின் மீது உடனுக்குடன் தீர்வு காண்பதற்கும், சிறப்பு பொது விநியோகத்திட்ட குறை தீர்க்கும் முகாம் பெரம்பலூர் வட்டம், பொம்மனப்பாடி கிராமத்தில் தனித் துணை ஆட்சியர், சமூக பாதுகாப்புத் திட்டம், இரா.புஷ்பவதி, தலைமையிலும்,

வேப்பந்தட்டை வட்டம், பசும்பலூர் கிராமத்தில் மாவட்ட வழங்கல் மற்றும் நுகர்வோர் பாதுகாப்பு அலுவலர் (பொ) துரை தலைமையிலும், குன்னம் வட்டம், கைப்பெரம்பலூர் கிராமத்தில் மாவட்ட ஆதிதிராவிடர் (மற்றும்) பழங்குடியினர் நல அலுவலர் எல்.இருதயமேரி தலைமையிலும்,

ஆலத்தூர் வட்டம், கூத்தூர் கிராமத்தில் துணைப் பதிவாளர் (பொது விநியோகத்திட்டம்) ஆர்.கிருஷ்ணசாமி தலைமையிலும் 08.04.2017 சனிக்கிழமை அன்று காலை 10.00 மணி அளவில் நடைபெற உள்ளது.

மேற்படி முகாமில் பொதுமக்கள் கலந்து கொண்டு உணவுப்பொருள் வழங்கல் மற்றும் குடும்ப அட்டைகள் சம்பந்தமான குறைகளை தெரிவித்து பயனடையலாம் என தெரிவிக்கப்பட்டுள்ளது.