இளமையான சருமம் பெற வியர்வை வரும் வரை வேலை அல்லது உடற்பயிற்சி செய்ய வேண்டும் ; பெரம்பலூர் அன்னை சிறப்பு தோல் நோய் சிகிச்சை மைய நிபுணர் டாக்டர் க.இளங்கோவன் தகவல்!

To get youthful skin, you should work or exercise until you sweat; Dr. K. Elangovan, an expert at Annai Special Dermatology Treatment Center, Perambalur, informed!

Dr. K. Elangovan

இயற்கையாக சருமம் புதுப்பொலிவுடன் என்றும் இளமையாக காட்சித் தர வேர்வை வரும் உழைக்க வேண்டும் அல்லது உடற்பயிற்சி செய்ய வேண்டும் என பெரம்பலூர் அன்னை சிறப்பு தோல் நோய் சிகிச்சை மையத்தின் சிகிச்சை நிபுணர் டாக்டர் க.இளங்கோவன் தெரிவித்துள்ளார். மேலும், அவர் தெரிவித்தாவது:

பளபளப்பான, சுருக்கம் இல்லாத, பொலிவான சருமத்தின் மீது யாருக்கு தான் ஆசை இருக்காது. இதற்காக பல முயற்சிகளை நீங்கள் கையாண்டிருக்க கூடும். வீட்டில் செய்யக்கூடிய ஃபேஸ் மாஸ்க்குகள், அழகு நிலையங்கள், கடைகளில் கிடைக்க கூடிய விலையுயர்ந்த அழகு சாதன பொருட்கள் என பலவற்றை நீங்கள் கடைபிடித்து வரக்கூடும். எனினும், சருமத்தின் ஆரோக்கியம் வெளிப்புற சிகிச்சைகளில் மட்டும் பெறக்கூடியது அல்ல. அதற்கு நீங்கள் பிரத்யேகமான பராமரிப்புகளையும் மேற்கொள்ள வேண்டும்.

சருமத்தின் ஆரோக்கியத்தை மேம்படுத்துவதில் அன்றாட வாழ்க்கை முறையும் முக்கிய பங்கு வகிக்கிறது. உணவுமுறை, வாழ்க்கை முறை, தூக்கம் மற்றும் புகைபிடித்தல் போன்ற மோசமான பழக்க வழக்கங்களின் விளைவுகள் சருமத்தை தான் முதலில் பாதிக்கும். இது குறித்து விரிவாக ஆய்வுகள் செய்யப்பட்டுள்ளன. அதே நேரத்தில், அதிகப்படியான கொழுப்பு மற்றும் சர்க்கரை நிறைந்த உணவை கொள்வதால், தோல் சீக்கிரத்தில் வயதான தோற்றத்திற்கு வழிவகுக்கலாம். புகைப்பழக்கம் சுருக்கங்களின் அபாயத்தை அதிகரிக்கலாம். இதேபோல உங்கள் வாழ்க்கைமுறை எப்படி உங்கள் சருமத்தை பாதிக்கிறது என்றும் அவற்றை எப்படி சரி செய்யலாம் என்பதையும் தெரிந்துகொள்ளுங்கள்.

உணவுமுறையால் எப்படி சருமம் பாதிக்கப்படுகிறது? சர்க்கரை மற்றும் கொழுப்புகள் அதிகம் உள்ள உணவுகளை உண்பதால் உங்கள் சருமத்தில் வீக்கம் மற்றும் வறட்சி ஏற்படும். இதனை மாற்றி அமைக்க, ஆக்ஸிஜனேற்றிகள் மற்றும் ஒமேகா -3 கொழுப்பு அமிலங்களைக் கொண்ட உணவுகள் உட்கொள்ளலாம். அதோடு, வைட்டமின் சி அதிகமாக உள்ள மீன் வகைகள், பழங்கள் மற்றும் காய்கறிகள் போன்ற ஊட்டச்சத்து நிறைந்த உணவுகளை தேர்ந்தெடுத்து உண்பதால், உங்கள் சருமம் மற்றும் ஒட்டுமொத்த ஆரோக்கியம் மேம்படுகிறது.

சருமத்தில் ஏற்படும் பிரேக்அவுட்கள் (பருக்கள் உடைவது) ஏற்படுவதற்கு நீங்கள் தினசரி குடிக்கும் பாலும் ஒரு காரணியாக இருக்கிறது என ஒரு சில ஆய்வுகள் கண்டறிந்துள்ளன. அதனை தவிர்க்க, கார்போஹைட்ரேட்டுகள் நிறைந்த முழு தானிய உணவுகள் மற்றும் புரதம் அதிகம் அடங்கிய பயறு வகைகளை எடுத்துக் கொள்ளலாம்.

உடல் உழைப்பு இல்லாததால் சருமம் எதிர்கொள்ளும் பாதிப்பு? உடல் உழைப்பு இல்லாமல் இருப்பது உடல் எடையை அதிகப்படுத்துவதோடு சரும பாதிப்பையும் ஏற்படுத்திவிடுகிறது. உணவு முறை கட்டுப்பாட்டோடு உடல் ஆரோக்கியத்திலும் கவனம் செலுத்த வேண்டும். தினசரி உடற்பயிற்சி என்பது சருமத்திற்கு மட்டுமல்ல ஒட்டுமொத்த உடல் ஆரோக்கியத்திற்கும் அவசியமாகிறது. உங்களால் தீவிர உடற்பயிற்சியில் ஈடுபட முடியவில்லை என்றாலும், உடலில் வியர்வை சுரக்கும் அளவிற்கு 30 நிமிடங்களுக்கு உடற்பயிற்சி செய்தாலே போதுமானது. இதனால் உடல் முழுவதும் ரத்த ஓட்டம் பாய்ந்து, அதிக அளவு ஆக்சிஜனும், ஊட்டச்சத்துக்களும் உடல் எங்கும் சீராக பரவுகிறது. இதனால் சருமத்தில் கொலாஜன் உற்பத்தி செய்யப்பட்டு சருமம் பாதுகாக்கப்படுகிறது.

சூரிய ஒளியில் வெளிப்படுவதால் சருமத்துக்கு நன்மை கிடைக்குமா? சூரிய ஒளியிலிருந்து கிடைக்கக்கூடிய வைட்டமின் ஈ உங்களுக்கு வேறெந்த உணவுகளிலும் கிடைக்காது. உங்கள் சருமம் வயதான தோற்றம் பெறாமல் இருக்க தேவைப்படும் ஆன்டி-ஏஜிங் பண்பு, வைட்டமின் சி (ஆரஞ்சு, எலுமிச்சை போன்ற சிட்ரஸ் பழங்கள்) மற்றும் ஈ ஆகியவற்றில் தான் உண்டு. எனினும், சூரிய கதிரிலிருந்து வெளிப்படும் ஆபத்து நிறைந்த அல்ட்ரா வைலட் கதிர்கள் உங்கள் சருமம் மீது அதிகம் வெளிப்படும் போது, புற்று நோய் அபாயம் உள்ளது.

இதனை தடுக்க, வெளியில் செல்லும் போது SPF 30 அடங்கிய சன்ஸ்கிரீன்-ஐ பயன்படுத்த மறக்காதீர்கள். அதிக சூரிய ஒளி தாக்கம் இருக்கும் போது வெளியில் செல்லாமல் இருப்பதே பாதுகாப்பானது. வெளியே செல்லும் போது ஒவ்வொரு 4 மணி நேரங்களுக்கு ஒரு முறை சன்ஸ்க்ரீன் பயன்படுத்துவதை மறக்காதீர்கள்.

தூக்கமின்மை எப்படி சருமத்தை பாதிக்கிறது? மோசமான தூக்கம் உடல் ஆரோக்கியத்தை பாதிக்கும் என்பதை அறிவோம். அது போன்று நீரிழப்பு ஏற்படுவதோடு கண்களை சுற்றி கருவளையங்கள் ஏற்படும். மேலும் வெளிறிய மற்றும் மெல்லிய சருமத்திற்கு வழிவகுக்கும். நல்ல உடல் ஆரோக்கியத்திற்கு, தினசரி 7-8 மணிநேரம் உறக்கம் அவசியமாகிறது. தூங்கும் போது முகத்தை தலையணையில் அழுத்தி, ஒரு பக்கமாக ஒருக்களித்து படுப்பவராக இருந்தால், நாளடைவில் தலையணைக்கு எதிராக தோல் அழுத்தும் பகுதிகளில் சுருக்கங்கள் தோன்றும். அதே போல குப்புற தூங்குபவர்களுக்கு கண்களின் கீழ் பகுதி பாதிப்படையக்கூடும். இதனை தவிர்க்க நேராக முதுகு தண்டை நீட்டி, படுத்து பழக வேண்டும்.

புகைபிடித்தல் மற்றும் மது அருந்துதல் சருமத்தை எப்படி பாதிக்கிறது? புகைபிடித்தலால் உடலில் ஆக்ஸிஜனேற்றம் கணிசமாக குறைகிறது. இதன் மூலம், சருமத்தில் இயற்கையாக இருக்கக்கூடிய கொலாஜன் மற்றும் எலாஸ்டிக் தன்மை உடைகிறது. இதனால் சருமத்தில் சுருக்கங்கள் மற்றும் முன்கூட்டிய வயதான தோற்றத்தை பெறும் அபாயம் அதிகரிக்கலாம். மது அருந்துவது உடலில் வறட்சியை உண்டாக்கும். இரத்த நாளங்கள் விரிவடைந்து நாளடைவில் நிரந்தரமாக சேதத்தை உண்டாக்கும். இத்தகைய சிறு சிறு தவறை உணர்ந்து சரி செய்தாலே சரும ஆரோக்கியத்தை மேம்படுத்தலாம், என தெரிவித்தார்.

பெரம்பலூர் கிருஷ்ணா தியேட்டர் அருகே உள்ள அன்னை சிறப்பு தோல் நோய் சிகிச்சை மையம், தோல் நோய் சிகிச்சை நிபுணர் டாக்டர் க.இளங்கோவன் MBBS.,DD மருத்துவ ஆலோசனைகளுக்கு 8489848557 என்ற செல்போன் எண்ணிலும் தொடர்பு கொள்ளலாம்.

Annai Speciality Skin And Laser Clinic, 130, near LA Krishna Theater Bus Stop Venketasapuram, Tamil Nadu 621212.