பெரம்பலூரில் குருப் 2ஏ க்கான தேர்வு 7ஆயிரத்து 266 பேர்கள் இன்று எழுதினர்

தமிழ்நாடு அரசுப்பணியாளர் தேர்வாணையத்தின் மூலம் நடைபெற்ற குரூப் 2ஏ க்கான தேர்வில் 7,266 பேர்கள் தேர்வு எழுதினர்.

பெரம்பலூர் மாவட்டத்தில் தமிழ்நாடு அரசுப்பணியாளர் தேர்வாணையத்தின் மூலம் இன்று தொகுதி-2 ஏ க்கான தேர்வு நடைபெற்றது. பெரம்பலூர் மாவட்டம் முழுவதும் 12 மையங்கள் தேர்வுச் செய்யப்பட்டு, மொத்தம் 9,482 நபர்கள் தேர்வு எழுத ஏற்பாடுகள் செய்யப்பட்டிருந்ததில், இன்று நடைபெற்ற தேர்வில் 7,266 நபர்கள் எழுதினார்கள்.

இது 76.6 சதவீதமாகும்.. இத்தேர்விற்கு 6 மொபைல் யூனிட்டும், 3 பறக்கும் படைகளும் அமைக்கப்பட்டு, தேர்வினை கண்கானித்தனர். தேர்வு நடைபெறும் அனைத்து மையங்களுக்கும் சிறப்பு பேருந்து வசதி உள்ளிட்ட அனைத்து அடிப்படை வசதிகளும் செய்யப்பட்டிருந்தது.